සාමාන්‍යයෙන් ඕනෑම දෙයක්

Preview for Sri Lanka vs Pakistan Match (First Round)

2011-02-25T13:43:00.000+05:30

The Big match is coming up for Sri Lanka. Sri Lanka vs Pakistan.

As a big fan of Sri Lanka cricket I’m looking forward to this match. Pakistan will be a strong competitor despite of their recent spot fixing and other problems. Pakistan is always unpredictable and if they gets going they will end up as champions.

But this time it’s not very clear what are Pakistan strategies and how they plan this match, but I think Sri Lanka on top of the game at this very moment.

For Sri Lanka, there are few who can be dangerous in the Pakistan side. In batting Afridi always performed well against Sri Lanka. Also the Akmal brothers can be dangerous. Abdur Razzak is another player with his brutal hitting that Sri lanka would take care of. if Sri Lanka can get rid of this three or four players as early as possible, then it would be a lower total that Sri Lanka has to cope with.

If Pakistan posted a total around 270, then Sri Lanka should chase that total very carefully because Pakistan bowlers are good enough to defend a total of that much. Shoaib Aktha can be handy for them, but it proved that Sri Lankan batsman have no fear over him, specially Mahela and Sangakkara can cope his pace very well.

But Razzak can be dangerous with his revers swinging deliveries. In the past he proved that he can take wickets against Sri Lanka. Also Afridi can be their wicket taker with his fast leg cutters. Kenya match proved that.

On the other hand Sri Lanka has a good and deep batting lineup to face the Pakistan bowling attack and well capable of posting a big total if they bat first. Bowling is also good, which one would say one of the varied bowling attacks in this World Cup. Lasith Malinga could be the key in fast bowling dept, as Murali and Co. will take over the spin dept.

If they click well they It’s Sri Lanka’s game!

සුභ උපන්දිනයක් ජනාධිපති තුමනි!

2010-11-18T09:02:00.000+05:30

ආසියාවේ තවමත් මව්බිම වෙනුවෙන් සිතන, ඒ වෙනුවෙන් තම දේශපාලන ජීවිතය හෝ පරදුවට තැබීමට හැකි සහ ත්‍රස්තවාදයට බිය නැති නායකයින් සිටින බව ලෝකයට පෙන්වූ ඔබතුමාට සුභ උපන්දිනයක් වේවායි පතමි.

දේශපාලන වශයෙන් සියයට සියයක්ම එකග නැතත් තිස් අවුරුද්දක ශාපයෙන් මෙරට ගලවා ගැනීම ට නායකත්වය දීම වෙනුවෙන් ඔබ තුමාට ශ්‍රී ලාංකික රට වැසියෙක් ලෙස මා ණයගැති බව මතක් කළ යුතුයි!

චිරං ජයතු

ඉන්දියානු සකිවිති ලා

2010-11-17T10:41:00.000+05:30

සක්විති රණසිංහ, ලලිත් කොතලාවල සහ තවත් බොහෝ තැන්වල මුදල් ආයෝජනය කර අනාථ වූ ශ්‍රී ලාංකියන් තවමත් පාඩම් ඉගෙන ගෙන නොමැති බව දැන් පැහැදිලිය.

කිසිම වැඩක් නොකර සිටිමින් පහසුවෙන් මුදල් උපයා ගැනීමට ඇති කම්මැලි අවශ්‍යතාව නිසා තවත් ශ්‍රී ලාංකිකයන් 4000 ක ට පමණ තම මුදල් අහිමි වී ඇත.

මෙරට තුල වංචනික ලෙස මුදල් ජාවාරම් පවත්වා ගෙන ගිය ඉන්දියානු ජාතිකයන් දෙදෙනෙකු මෙරට පුද්ගලයන් 4000 කගේ පමණ මිලියන 80 ක මුදලක් සමග අතුරුදහන් වී ඇත.

මහනුවර ප්‍රදේශය බාර පොලිස් ස්ථානයේ හැදින්වීම පරිදි මේ පුද්ගලයන් මෙරට රැඳී සිට ඇත්තේද සංචාරක වීසා මගිනි.

මේ කිසිවක් සොයා නොබලා මේ ජාවාරමට සම්භන්ධ වූ මෙරට පුද්ගලයන්ට මේ අලාභය සිදුවී ඇත.

අපි කවදාද ඉගෙන ගන්නේ.......?

වැඩි විස්තර සඳහා....

http://www.dailymirror.lk/index.php/news/7817-indians-involved-in-fraud-flee.html#comments

ලී ක්වාන් යූ ගේ සිංගප්පූරු කතාව - හැදින්වීම

2010-11-09T10:30:00.001+05:30

ලී ක්වාන් යූ ගේ සිංගප්පූරු කතාව නමින් රංජිත් ගුණරත්න විසින් පරිවර්ථනය කරන ලද පොත සඳහා ලී ක්වාන් යූ විසින්ම ලියූ හැඳින්වීම

අප රටේ අවස්ථාවාදී හා ජාතිවාදී දේශපාලන චරිත වලටත් ඔවුන්ට ඡන්දය දී පත් කරන අන්ධ භක්තික ජනතාවටත් කෙතරම් වැදගත් වූ පනිවුඩයක් මෙහි අන්තර්ගතදැයි බලන්න..............

මගේ ස්වයං චරිතාපදානය වූ “සිංගප්පූරු කථාව” තුළින් වඩාත් සැපවත් පරිසරයක හැදී වැඩුණු තරුණ සිංගප්පූරු ජාතිකයන් හට මතක් කර දෙන්නේ පැරණි පුරුදු වෙනස් කර ගැනීමට සහ අප දැනුවත් කර ගැනීමට දැඩි පරිශ්‍රමයක් සහ කැපවීමක් අවශ්‍ය බව යි. සිංගප්පූරුව සාර්ථකත්වයේ මාවතට අවතීර්ණ වන්නට මත්තෙන් විවිධ ජාති. ආගම් සහ භාෂාවලට අයත් අපේ ජනතාව බෙදා වෙන් කරන ප්‍රතිවිරෝධී ආකල්ප වෙනස් කළ යුතු වූවා මෙන් ම වෘත්තිය සමිති සහ හාම්පුතුන් අතර වූ තරඟය ද අවම කළ යුතු විය.

ශ්‍රී ලාංකිකයන් හට මෙම සිංහල පරිවර්ථනය පැහැදිළි කර දෙන කාරණයක් වන්නේ, විශේෂයෙන් ම, දේශපාලන නායකයින් ඡන්ද දිනා ගැනීමේ අරමුණින් ජාති, භාෂා, සංස්කෘතික සහ ආගමික බලවේගයන් නොඇමතීම හේතු කරගෙන අප යටපත් කර ගැනීමට පාදක විය හැකිව තිබූ බොහෝ අනවශ්‍ය වේදනාත්මක අත්දැකීම්වලින් බැහැර වීමට සිංගප්පූරුවට හැකි වූ ආකාරය යි. යම් අවස්ථාවක උද්වේගකාරී හැඟීම් ඉස්මතු වූයේ නම් තර්ක ඥානය සහ පොදු හැඟීම් කවුළුවෙන් පිටතට ඇදී යනු නියතයි. මගේ පරම්පරාවේ සිංගප්පූරු ජනතාව වටහා ගත්තේ මෙම සත්‍යතාවයි.

ශ්‍රී ලංකා එක්දින ක්‍රිකට් කණ්ඩායමට තිබූ ලොකුම අඩුව පිරවෙන ලකුණු

2010-11-03T12:52:00.002+05:30

බොහෝ කාලයක් තිස්සේ ශ්‍රී ලංකා එක්දින කණ්ඩායම තිබූ අඩුවක් වූයේ මැද පෙළ සඳහා වේගවත් ව ලකුණු රැස්කිරීමට හැකි පිතිකරුවෙකු නොමැති වීමයි. පන්දුවාර 50 තරගයකදී බොහෝ විට අවසාන පන්දු වාර කිහිපය තුළ වේගවත්ය ලකුනු රැස්කීරීමේ අඩුවක් තිබු නිසා, අපේ කන්ඩායම බොහෝ වි‍ට ලබාගත හැකිව තිබු ලකුණු සංඛ්‍යාවට වඩා අඩු ලකුනු ලබා ගත්තා.

නමුත් තිසර පෙරේරා ගේ පැමිණිමත් සමග ඒ අඩුව පිරවෙන ලකුණු පහල වී තිබෙනවා. ඔහු පලමුවෙන්ම තරගයක් ක්‍රීඩා කළ අවස්ථාවේදීම මේ බව පැහැදිලිව පෙන්නුම් කළා. නමුත් ප්‍රශ්නය වී තිබුණේ ඔහු ක්‍රීඩා කළ තරග වලින් 95%ක් ම ඉන්දියාවට එරෙහිව වූ ඒවා නිසා ඔහුගේ නියම දක්ෂතාවය මැන ගැනීමට නම් වෙනත් කණ්ඩායම් සමගද ක්‍රීඩා කළ යුතු වීමයි.

පසුගිය දා ඕස්ට්‍රේලියාව සමග තරගයේදී තිසර මේ බව නැවතත් ඔප්පු කළ බව මගේ හැගීමයි.

අප ඔහු ගැන දැන්මම විශාල බලාපොරොත්තු තබා නොගත යුතු අතර තව තවත් තරග ඔහුට ලබා දීමත් ඒ ඒ තරග වලදී නියම අවස්ථාවලදී ඔහුව පිතිකරණයට යෙදවීමත් මගින් නියම ප්‍රයෝජන ගත යුතුය.

මේ දීප්තිමත් ක්‍රීඩකයාගේ අනාගතය ද දීප්තිමත් වීමට එය උදව් වනු ඇත.

------------------------------------------

What are the Chances for Sri Lanka Cricket in Australia?

2010-10-28T12:18:00.002+05:30

Although we Sri lankans went for a very short tour to Australia, still it's very important for us to concentrate on playing well against Australians.

Even though we are the No.3 in Test ranking and hovering around No. 4 or 5 spot in ODI ranking yet we're not getting enough matches against teams like Australia to test our talent ot the ability. It's really a disadvantage too. So It's our chance to get used to Australian players since ICC World cup around the corner and most importantly having to play a match against Aussies in the first round.

If we consider the current form we're in and Aussies, clearly we're on top. Having beaten by Indians in both Test and ODI's Aussies will be step or two town at the moment. We should take the advantage of it and play well to put Aussies another step down.

But it's not easy since we have to play under Australian conditions and surrounded by their huge crowed.

In batting department Aussies still finding difficulties to get their combination's right where we almost settled the matter with Dilshan and Mahela or Upul opening and Sanga, and others in the middle order.

Bowling department is also a worry for Aussies since Bollinger is not 100% fit and Brett Lee is not sure for the game. We do have a very good bowling attack with Murali, Randiv as spinners and Malinga and Dilhara with pace and Kulasekara the ever so reliable in seaming pitches.

But what got in to my mind now is although we have the better combination in our team still it's difficult to beat Australians.

We have to wait another 3 days to witness what could be a Do-or-Die battle in Australian soil.

-------------------------------------------------------------------------------------------------------

SRI LANKA CRICKET AND LOSING BADLY TO AUSTRALIA

2010-05-11T15:13:00.000+05:30

The game against Australia on May 9th was something we could talk about. As everyone knows Australia is a formidable unit in any form of the game, but what is really upsetting is the way we Sri Lankans reply to them.

It seems that Sri Lankans are doing number of mistakes day by day instead avoiding them. Some of these mistakes are short term planning mistakes while others are long term.

Let me take the game against Australia as an example;

Read More.......

ආගම සහ මිත්‍යාව

2010-04-29T16:43:00.001+05:30

ලමා කල සිටම මනසට නොයෙකුත් මති මතාන්තර කාවද්දනු ලැබීම නොවැලැක්විය හැකිය. එසේ කාවද්දනු ලැබූ අදහස් මනසින් බැහැර කිරීම ඉතා දුෂ්කරය. එනමුත් කුඩා කල සිටම එවැනි නොවූ වටපිටාවක ඇතිදැඩි වීමත්, විශේෂයෙන්ම කිසි දිනෙක මිත්‍යා විශ්වාස නොඇදහූ මගේ පියාගේ මග පෙන්වීමත්, දිවයිනේ සිටි උසස් ගනයේ විද්වතෙකු සහ හේතුවාදියෙකු වූ ආචාර්්‍ය ඒබ්‍රහම් ටී කොවූර් ගේ පොත් පත් නිතරම ඇසුරු කිරීම නිසාම ඇතිවූ කුතුහලය සන්සිදවාගැනීම සදහා විවිධ හොල්මන් ඇතැයි සැලකෙන ස්ථාන, සොහොන් පිටි ආදිය තුල හොල්මන් ආත්ම සොයා ගමන් කිරීමෙන් ලැබූ අත්දැකීමුත් නිසා සම්පූර්ණයෙන්ම පාහේ මිත්‍යා විශ්වාස වලින් තොර පුද්ගලයෙකු බවට පත්වීටම මට හැකි විය.

මා තුල තිබෙන කුමක් හෝ දෙයක් නිසා කිසි දිනෙක ආගමික මත, ගුප්ත විද්‍යා අනාවැකි, අවතාර, මන්තර, සාප, අනවින කොඩිවින, භූතාත්ම සහ සමහරුන්ට ඇතැයි සැලකෙන අද්භූත බල පිළිබදව විශ්වාස කිරීමට මට අපහසුය. ඒ නිසාම ඒ පිළිබද සැක ඇතිවිය.

හොල්මන් ඇතැයි කියන ස්ථාන කීපයකදී ම මට ලැබුණු අත්දැකීම නම් රෑ නිදි මරාගෙන සිට කිසිවක් නොදැක හෝ නොඇසී ගෙදර ඒමට සිදුවීමත් රෑ එලි වන තුරු රාත්‍රී සමාජ ශාලාවල ලගිනවායයි මගේ ආදරණිය මව සැක ඇති කර ගැනීමත් පමණකි.

මම හොල්මන් ඇතැයි කියවුනු ස්ථාන කිහිපයකම රාත්‍රිය ගත කර ඇත. තවමත් එවැනි ස්ථාන ඇතැයි දැනගැනීමට ලැබුනහොත් එහි ගොස් සොයා දැනගැනීමට උත්සහ කරන්නෙමි. ඉතාමත් මෑතකදී මට තවත් එවැනි තැනක් ගැන එනම් හපුතලේ එඩිසන් බංගලාව ගැන දැනගැනීමට ලැබුනු අතර මේ දෙසැම්බරයේ එහි ගොස් රැයක් හෝ දෙකක් ගත කිරීමට අදහස් කරගෙන සිටිමි.

අප අතර සිටින බොහෝ දෙනෙකු ශුභ අසුභ වේලාව සහ ලකුණු, වාසනා අංක, ඇස්වහ කටවහ, වාසනාවන්ත වර්ණ සහ මැණික්, ජේතිශ්‍යවේදය, හස්තරේඛා, අන්ජනම් එලි, පේන කීම, යකැදුරුකම, භූතවේදය, ආරූඩ වීම්, යකුන් බැදීම, පූජා, වන්දනා ගමන්, සුව කිරීමේ මෙහෙයන්, පිරිත් නූල්, සත්‍ය සායි බබා ගේ ශුද්ධ වූ අලු, කුරුස, ධාතු වල ආනිසංස, යන්ත්‍ර, ශුද්ධ වූ ස්ථාන, ශුද්ධ වූ පුද්ගලයන්, ශුද්ධ වස්තූන්, පරචිත්ත විජානනය, වස්කවි, සෙත් කවි, බෝධි පූජා, සහ වෙනත් එවැනි බොහෝ මිත්‍යා විශ්වාස දරයි.

මෙම මිත්‍යා විශ්වාස ගුප්ත ශාස්ත්‍රකරුවන්, භූතවේදීන් සහ පූජකවරුන් විසින් පහසුවෙන් රැ‍වටෙන මිනිසුන්ගේ සිත්හි පැල පදියම් කරන ලද ඒවා බව ආචාර්්‍ය ඒබ්‍රහම් ටී කොවූර් මහතා සිය පර්යේෂණ මගින් පැහැදිලිව පෙන්වා දී ඇත. ඒ මහතාට අනුව එයට හේතුව මේ මිනිසුන් තුල එවැනි මිත්‍යා විශ්වාස ඇතිකිරීම මෙම ගුප්ත ශාස්ත්‍රකරුවන්, භූතවේදීන් සහ පූජකවරුන් ගේ ආර්ථික පැවැත්මට හිතකර වීමයි.

යාඥා, පුද පූජා සහ බලි තොවිල් මගින් ඒවා අදහන්නන් තුල ඇති කරනුයේ මානසික බලපෑමක් පමණි. යාඥා, පුද පූජා සහ බලි තොවිල් ආදී මේ සියලුම දේ මිනිස් මනසේ මාදක මත්ද්‍රව්‍ය ලෙස ක්‍රියා කරයි. ආගම පීඩිත පන්තියේ අබිං යයි ශ්‍රේෂ්ඨ විද්වතෙකු වූ කාල් මාක්ස් විසින් පවසා ඇත්තේ මේ නිසාවෙනි.

මිනිසා ගල් යුගයෙන් එඩේර යුගයටත් ඉන් පසු ගොවි යුගය ලෙස හදුන්වන ගොවිතැන් කිරීමේ සහ ස්ථිර වාසස්ථාන ඇති කර ගැනීමේ යුගයටත් පැමිණුනාට පසු පූජක පන්තිය බිහිවිය. මේ යුගයේදී මහන්සි වී වැඩ කිරීම සහ පවුල් ඒකකය පෝෂණය කිරීම වැනි කටයුතු නිසා මිනිසාගේ ගොවිතැන් වඩාත් දියුණු විය. එහි ප්‍රථිපලයක් ලෙස නිෂ්පාදන වල අතිරික්තයක් ඇති විය. වැඩ කිරීමෙන් වැලකී සිට මේ අතිරික්තය ඩැහැ ගැනීමේ සහ ඉන් තම ශ්‍රමය වැය නොකර ලෙහෙසියෙන්ම පෝෂණය වීමේ මගක් ලෙස සමහර මිනිසුන් ආගම නම් වූ මත්ද්‍රව්‍ය සාමාන්‍ය ජනයාට ලබාදෙන් ලදී. මේ කාර්්‍යයට සැදී පැහැදී සිටි පුද්ගලයන් පසු කලෙක පූජක පන්තිය ලෙස ඉදිරියට පැමිණුනි. පූජකයන් යනු තම ශ්‍රමය වැය කරමින් වැඩ කරන මින්සුන්ගෙන යැපෙන පරපෝෂිතයන් කොට්ඨාශයක් ලෙස හැදින්වීම සෑම අතින්ම සාධාරණය.

බොහෝ අවස්ථාවල රටවල් වල පාලකයන් සහ ධනපතියන් විසින් දුප්පත් වැඩකරන ජනතාවගේ ආවේග සහ සටන් යටපත් කිරීමේ මගක් ලෙසද ආගම පාවිච්චියට ගැනුණි. දෙවියන් වහන්සේට කීකරු වී සිටිය යුතු බවත් උන් වහන්සේගේ වචනය අවසාන වචනය බවත්, දුප්පත් වීම හෝ ධනවත් වීම හෝ අනිකුත් සියලු දේ උන්වහන්සේගේ කැමැත්තට අනුව සිදුවන බවත් ඊට පිටින් යාම දෙවියන්වහන්සේට විරුද්ධ වීමක් ලෙසත් කතෝලික දහමේ ඉගැන්වේ. ජනප්‍රිය බුදු දහමේද මීට සමාන වූ දෙයක් කියැවේ; එනම් දුගී වීම, ධනවත් වීම සහ අනෙකුත් සියලුම ලැබීම් සහ නොලැබීම් පසුගිය ආත්මයේ සිදුකර ඇති පින් හෝ පව් වලට අනුව සිදුවන බවයි. ඊට අනුව මේ ආත්මයේදී පින් කිරීමෙන් ලබන ආත්මයේදී හොද ජීවිතයක් ලැබිය හැකිය. මේවා සියල්ල අහිංසක මිනිසුන් මුලාකර තම පැවැත්ම සාදා ගැනීමට විවිධ පුද්ගලයන් විසින් කරන ලද ප්‍රකාශයන් පමණකි. ඉන් ඔබ්බට මේ දේශනා වල කිසිම වැදගත් කමක් නැත.

මා දැනුම් තේරුම් ඇති කල සිටම කිසිම ආගමක් ඇදහීමෙන් වැලකී සිටියෙමි. පාසලේදී පවා ආගම ලෙස බුද්ධාගම ඉගෙන ගත්තේ විභාග පාස්වීමේ අරමුණින් පමණකි. එසේ වීමෙන්ම මට ඇතිවූ පාඩුවක් හෝ අවැඩක් නැත. අන් සියලුම පුද්ගලයන් මෙන් මාත් හොද ජීවිතයක් ගත කරනවා පමණක් නොව ආගම් සදහා යොදවන කාලය වෙනත් කටයුතු සදහා යෙදවීමෙන් වටිනා කාලය ඉතිරි කර ගැනීමටද මට හැකිවී ඇත.

සනත් ජයසූරිය ක්‍රීඩකයෙකු ලෙස කියවමු

2010-04-27T16:51:00.004+05:30

මේ ලිපිය ලියන්නේ සම්පූර්ණයෙන්ම මගේ අදහස් මත පමණයි කියන එක මුලින්ම කිව යුතුයි. ඒ වගේම විස්සයි විස්ස ලෝක කුසලානයට බටහිර ඉන්දීය කොදෙව්ව බලා ගොස් සිටින ශ්‍රී ලංකා කන්ඩායම අපහසුවට පත් කිරීමේ අරමුණක්ද මේ ලිපිය තුල නැති බව සදහන් කළ යුතුමයි.

සනත් ජයසූරිය යනු ලොව ක්‍රිකට් පිටියේ අග්‍රගන්‍ය පිතිකරුවෙක්. ඔහුගේ දක්ෂතාවය පැහැදිලිවම කැපී පෙනෙන්නේ එක්දින පිටිය තුළ. ක්‍රිකට් ක්‍රීඩාව තුළ බොහෝ ක්‍රීඩකයන්ට සුපිරි ක්‍රීඩකයන් යන අන්වර්ථය ගලපා තිබුනද මගේ හැගීමට අනුව නම් වාර්ථා හොද වූ පමණින් ක්‍රීඩකයෙක් සුපිරි යයි හැදින්වීම සුදුසු නැහැ. ඒ අර්ථයෙන් ගත් විට රිකී පොන්ටින්, බ්‍රයන් ලාරා, සචින් තෙන්ඩුල්කාර්, වසීම් අක්‍රම්, මුත්තයියා මුරලිදරන්, ශේන් වෝන්, ඩොන් බ්‍රැඩ්මන්, සහ විවියන් රිචඩ්ස් වැනි අතලොස්සක් වූ සුපිරි යයි කිව හැකි ක්‍රීඩකයන් අතරට සනත් ජයසූරියද ගත හැකි බව මගේ හැගීමයි. ඔහු වචනයේ පරිසමාප්ත අර්ථයෙන්ම තරග දිනවන්නෙක් සහ පන්දු යවන්නන්ගේ නපුරු සිහිනයක් (Bowlers nightmare)

1996 ලෝක කුසලාන ජයග්‍රහණයෙන් පසු ශ්‍රී ලංකාවේ පැවති තරගාවලියකදී ඔස්ටේලියානු කණ්ඩායම සමග තරගයේදී ජයසූරියට එරෙහිව පන්දු යැවීමට ආරම්භක පන්දු යවන්නෙක් සොයා ගත නොහැකිව ස්ටීව් වෝ පන්දුව අතට ගත්තේ ග්ලෙන් මැග්‍රා වැනි සාර්ථක පන්දු යවන්නන් සිටියදී.

එකල සනත් දැවී ගිය විට ශ්‍රී ලාංකිකයන් කී දෙනෙක් නම් රූපවාහිය නිවා දමා ගියාද යන්න ඕනෑම කෙනෙක් දන්නා දෙයක්.

නමුත් ඕනැම හොද දෙයකට අවසානයක් තිබෙන බව ලෝකයේ පිළිගැනීමක් සහ සත්‍යයක්. මා සිතන ආකාරයට සනත්ට ද දැන් සිදුවී තිබෙන්නේ මෙයයි.

බොහෝ දෙනෙක් සනත් ගේ දේශපාලන ආගමනය සමග පටලවාගෙන ඔහුගේ මේ අසාර්ථක වීම් විග්‍රහ කරන්නට ගියත් මා නම් දකින්නේ එය සම්පූර්ණයෙන්ම ස්වභාවික දෙයක් ලෙසයි. ඕනෑම පුද්ගලයෙක් වයස අවු. 40 ඉක්මවන විට ශාරීරිකව දුර්වල වේ. මොන තරම් ශාරීරික අභ්‍යාස කරමින් සුවතාව පවත්වාගෙන ගියත් මේ වයස් පැමිණෙන විට ශරීරයේ මස් පිඩු, සංවේදක (Nerves) වැනි දේ යම් තරමකට දුර්වල වේ. මේ හේතුව නිසා ඔහුට හෝ ඇයගේ ප්‍රතික්‍රියා කාලය වැඩිවේ (Reaction time).

සනත්ට සිදුවී ඇත්තේද මෙයයි. අනිත් බොහෝ ක්‍රීඩකයන්ට වඩා සනත්ට මෙය බලපාන්නේ ඔහු තාක්ෂණය අතින් පරිපූර්ණ වූ පිතිකරුවෙකුට වඩා ඇස සහ අත යන දෙකේ සම්බන්ධතාව (hand eye coordination) මතම සාර්ථක වු පිතිකරුවෙක් වූ නිසාවෙනි. ඔහු අතිශයින්ම ඒ මතම යැපෙන පිතිකරුවෙක්. අනිත් බොහෝ පිතිකරුවන්ට වඩා බොහෝ කලින් පන්දුව දකින පිතිකරුවෙක් වන ඔහු ඒ දැක්ම තුලින් පහර එල්ල කරන්නෙක්.

වයස් ගත වීමත් සමග මේ සම්බන්ධතාවය ගිලිහී ගිය බවකුයි සනත්ගෙන් දිස්වන්නේ. මේ සා‍මාන්‍ය අසාර්ථක (Purple Patch) වීමක් නොවන බව පෙනී යන්නේ ඔහු එල්ල කරන බොහෝ පහරවල් තරමක් ප්‍රමාදවී එල්ල වන බව පෙනී යන නිසයි. පන්දුව කලින් ලෙසම ඇසට ග්‍රහණය කර ගත්තද පහර එල්ල කිරීමේ ප්‍රමාදයකුයි මේ නිසා ඇතිවන්නේ. ඔබ හොදින් සනත්ව නිරීක්ෂණය කළහොත් මෙය පැහැදිලි වේ.

සාමාන්‍ය අසාර්ථක වීමකදී බොහෝ විට සිදුවන්නේ කාලය මැනීමේ ප්‍රමාද සහ පන්දු තෝරාගැනීමේ දෝෂයන්, නමුත් සනත්ගේ පන්දු තෝරා ගැනීම කළින් ලෙසම නිවැරදි බව පෙනෙන අතර ඉහත කී ලෙස ප්‍රමාද වී පන්දුවට පැමිණිමේ ආකාරයකුයි දිස්වන්නේ.

ඉතින් ඉහත කී හේතු මත සනත් ව කණ්ඩායමට එක් කිරීම එක් අතකින් ඔහුට කරන අසාධාරණයක්. අනෙක් අතට කණ්ඩායමට කරන අසාධාරණයක්. පසුගිය තරගාවලි කීපයකදීම මහේල තමා ආරම්භක පිතිකරු ස්ථානයට සුදුසු බව ඔප්පු කර අවසන්. ඒ අතරම කන්ඩායම පිටත්වීමට පෙර සිටම සංගක්කාර සහ පුහුණුකරු ට්‍රෙවෝ විසින් සනත් මැද පෙල ශක්තිමත් කරනු ඇතැයි යන්න පවසා තිබෙනවා. මේ අනුව පෙනී යන්නේ කණ්ඩායමේ සනත්ගේ ස්ථානය අවිනිශ්චිත බවයි. එසේ වුවහොත් මතුවන ප්‍රශ්නය තේරීම් කමිටුව සනත්ව තෝරා ගත්තේ කාව සතුටු කිරීමටද යන්නයි.

මෙය ක්‍රිකට් ක්‍රීඩාවේ තවත් එක් වේදනාත්මක සමුගැනීමක් නොවීමට නම් සනත් තම අඩුපාඩු තේරුම් ගෙන ඒ අනුව හැඩ ගැසී ක්‍රිඩා කළ යුතුයි. නොඑසේනම් කණ්ඩායමෙන් ඉවත් විය යුතුයි. අතීතයේ සිටම සනත් ගේ විශ්වාස කළ නොහැකි තරමේ පිතිහරඹයන් නරඹා ඇති මා හට මෙන්ම සුවහසක් ක්‍රීඩා ලෝලීන්ටද සනත්ව සදාකාලයටම මතක තබා ගැනීමට අවශ්‍ය වන්නේ මෙලෙස කෙසේ හෝ කන්ඩායමේ එල්ලී කුමන හෝ ස්ථානයක ක්‍රීඩා කරන්නෙකු ලෙස නොව ක්‍රිකට් ලොව උඩු යටිකුරු කළ මාස්ටර් බ්ලාස්ටර් ලෙසිනි.

සනත් පිළිබද මේ දිනවල ලියවෙන බොහෝ ලිපිවල මාතෘකාව දේශපාලන හයිය මත කන්ඩායමට තේරුණු අයෙකු ලෙස වුවත් අප සියලු දෙනා මතක තබා ගත යුතු වන්නේ, සනත් හැම විටම විවේචන වලට ඔහුගේ පිත්තෙන් පමණක් පිළිතුරු දුන් ක්‍රීඩකයෙකු බවයි. ඒ නිසා මේ තරගාවලියේ වඩාත් සාර්ථකම පිතිකරුවා සනත් වුවහොත් එයද පුදුමයට කරුණක් නොවේ.

විසි එක් වන සියවස, විද්‍යාව, බුද්ධ දර්ශනය සහ මිත්‍යාව!

2010-04-22T11:40:00.002+05:30

අප ජීවත් වන මෙම සියවස මිනිස් ඉතිහාසයේ අන් කවරදාකටත් වඩා පුඵල් ලෙස විද්‍යාවේ දියුණුව සිදුවු අවධියකි. මිනිස් ජීවිත අතිශයින් ම සුරක්ෂිත කිරීම සඳහා මෙමගින් වී ඇති සේවය නිසා බොහෝ මිනිසුන්ගේ සෞඛ්‍ය තත්ත්වයන් දියුණු වී ඇති අතර ආයු අපේක්ෂාව නොසිතූ විරූ ලෙස වැඩි වී ඇත. ‍මෙවන් අති විශාල විද්‍යාත්මක දියුණුවක් මත්තේ වුවද අප බොහෝ දෙනෙකු මිත්‍යා විශ්වාස මත යැපෙමින් කටයුතු කිරීම කනගාටුවට කරුණකි.

හැටේ දශකයේ අග භාගයේ සහ හැත්තෑව දශකයේ මෙරට සිටි කීර්තිමත් බුද්ධිමතෙකු සහ උසස් ගනයේ විද්‍යා චින්තකයෙකු වු ආචාර්ය ඒබ්‍රහම් ටී කොවූර් මහතා මෙරට ජනතාව මේ මෝහාන්ධකාරයන් ගලවා ගැනීමට කටයුතු කළත් එතුමාගේ අභාවයෙන් පසු එම කටයුතු මන්දගාමී ආකාරයක ම පරිවර්ථනය විය. මේ කාල පරාසය තුල ජ්යෝතිශ්‍යවේදීන් ඇතුලු මිත්‍යා ඇදහිලි ප්‍රවර්ධනය කරන ජාතික ලේබලය යටතේ ප්‍රචාරනය වන සහ අනෙකුත් සියලුම පුවත්පත් බහුප්‍රචාරනයට පත් වීමත් දේවබල, දේවශක්ති සංවිධාන ගොඩනැගීමත්, මුලධර්මවාදී ආගම් කල්ලි බිහි වීම සහ ව්‍යාප්ත වීමත් මිත්‍යාව හිස් මුදුනින් පිළිපදින දේශපාලකයන් තව තවත් බිහි වීමත් හේතුකොටගෙන ශ්‍රී ලාංකේය සමාජය අද මිරිගුවක් පසු පස ලුහුබඳින බව විද්‍යාමාන වේ

මීට වර්ෂ කිහිපයකට පෙර මෙරට පුවත්පත් සහ පත්‍රකලාවේදීන් ස්වල්ප දෙනෙක් වුවත් සමාජ හැගීමෙන් සහ වගකීමෙන් යුතුව පාඨක බුද්ධිය අමතමින් මිත්‍යා විශ්වාස ප්‍රශ්ණ කිරීමටත්, අන් මත නොඉවසන ඇතැම් මුලධර්මවාදී කල්ලිවල බුද්ධියට නිගා දෙන කටයුතු හෙලි කිරීමටත්, මිත්‍යා ඇදහිලි තුලින් අදුරෙන් අදුරට වැටෙන්නවුන් තවත් අදුරට තල්ලු කරන්නන්ගේත්, එසේම මිත්‍යාව තම පැවැත්ම සදහා ධනය උපයන මාර්ගයක් කරගත්තවුන්ගේත් සියලු ක්‍රියා ප්‍රශ්න කරන්නටත් ඉදිරිපත් වී සිටිනු දක්නට ලැබුණි.

නමුත් දැන් දැන් මේ සියලු දේ කනපිට පෙරලමින් බොහෝ පුවත්පත් මිත්‍යාන්ධකාරය වැපිරීමට කටයුතු කිරීම කනගාටුවට කරුණකි. මෙම නව ලෝක රටාව තුල ඉලෙක්ට්‍රොනික මාධ්‍ය ජනතාවට ඉතා ප්‍රබලව බලපෑම් එල්ල කරන අතර මෙමගින් කළ හැකි හානියද ඉතා බරපතලයි.

මේ වන විට මෙරට ඇති සියලුම රූපවාහිනී චැනල වලින් උදෑසන ම සිදුකරන කර්තව්‍යයන්ගෙන් එකක් වන්නේ දවසේ පලාඵල කියමින් මිත්‍යාව වැපිරීමයි. ඊට අමතරව වෙනත් වේලාවල්වලදීත් පුද්ගලයින්ගේ සුභ වේලාව කියාදීම, ජන්ම පත්‍ර මගින් අනාගතය කීම වැනි නිෂ්පල දේ ඉදිරිපත් කරයි. මෙහි ඇති හාස්‍යජනකම කාරණය වන්නේ මේවා ඉදිරිපත් කරන සියලුම චැනල පෝදා ට සිල් සමාදන් වන අතිශය සිංහල බෞද්ධ ඒවා වීමයි. බුදුන් වහන්සේගේ බුද්ධ දර්ශනය සම්පූර්ණයෙන්ම දේවවාදය, පුනුරුප්පත්තිය අන වින හදි හූනියම් සහ අන්ධානුකරණයට විරුද්ධ නමුත් මේ බෞද්ධයන් වැඩිපුරම ඇලී සිටින්නේ ඒ මතයි. විශේෂයෙන් ම දවසේ සුභ දිශාව, මරු සිටින දිශාව, රාහු කාලය වැනි කිසිම විද්‍යාත්මක පදනමක් නැති මතයන් ඔවුන් විසින් ඉදිරිපත් කරමින් වටිනා කාලය කා දමමින් සිටියි.

මේ සඳහා වන විද්වතුන් කාණ්ඩයක් ද ඕනෑම වේලාවක ඉදිරිපත් වීමට සූදානමින් සිටින බවද දැකගත හැකිය. මොවුන් රූපවාහිනී වැඩසටහන් වලට පැමිණ ඉදිරිපත් කරන ඔවුන්ටවත් නොතේරෙන මනෝකාය, ගන්ධබ්බයින්, චිත්ත ශක්ති, වැනි දේ ඉතා රසවත් ලෙස ඉදිරිපත් කරමින් ආර්ථික බරින් මිරිකී සිටින ජනතාවට තාවකාලික වින්දනයක් ලබා දෙයි. නමුත් අවසන් ප්‍රතිඵලය හිස් බව පමණක් ම බව අතිශෝකිතියක් නොවේ. ඔවුන් මෙහිදී සිදුකරන බරපතලම වරද නම් විද්‍යුත් චුම්භක තරංග, ගුරුත්වාකර්ශනය, සාපේක්ශතාවාදය සහ ‍ක්වන්ටම් යාන්ත්‍රනය වැනි විද්‍යාත්මක යෙදුම් සමග මනෝකාය, ගන්ධබ්බයින්, චිත්ත ශක්ති වැනි දේ විග්‍රහ කිරීමයි. ජ්‍යොතිශ්‍ය ආචාර්ය තුමා, මන්ත්‍රාචාර්ය, ආත්මවේදී වැනි නොයෙකුත් නම් වලින් තමන්වම හඳුන්වාගන්නා සමහර පුද්ගලයන් කරන එකම කාර්යය වන්නේ අහිංසක මිනිසුන් තම ශ්‍රමය යොදා උපයා ගන්නා මුදල් ඉතාමත් පහසුවෙන් කොල්ල කා ගැනීමයි.

මිනිසුන් පහසුවෙන් ම මේ වෙත ඇදී යාමට බලපාන කාරණය නම් ඔවුන්ට තමන් ගැනම විශ්වාසයක් නොමැති වීමයි. උදාහරණයක් ලෙස, මා විභාගයක් සඳහා පෙනී සිටීමට බලාපොරොත්තුවෙන් සිටින අවස්ථාවක දළඳා මාලිගාවට ගොස් පිහිට පතයි නම් හෝ දේවාලයකින් පිහිට අයදීනම් එහි අර්ථය තමන් උගත් සහ පාඩම් කළ දේ ගැන විශ්වාසයක් නැති කමයි. තමා කිරීමට බලාපොරොත්තු වන දේ ගැන විශ්වාසයක් ඇත්නම් නොපෙනෙන බලවේගයක පිහිට කුමටද. බුද්ධ දර්ශනයේ මුලිකම පහදාදීමක් වන්නේ මෙයයි. බුදුන් වහන්සේගේ දේශනයන්ගේ සඳහන් වන්නේ. ඕනෑ ම දෙයක් පිළිගත යුත්තේ අනුන් පැවසූ නිසාවත්, බල කිරීමක් නිසාවත්, උන්වහන්සේම දේශනා කළ නිසාවත් නොව, තමන් සිතා බලා නිගමනයකට පැමිණ තමන්ට ඒ ගැන විශ්වාසයක් ඇත්නම් පමණක් බවයි. මේ උගත් විද්වත් බෞද්ධයෝ මෙම මූලිකම දර්ශනයවත් නොදැන තර්ක කිරීම විහිලුවක් නොවේනම් කුමක්ද.

මා සියලුම වර්ගයේ ආගම් පිළිබඳ විශ්වාසයන් අතහැර බොහෝ කලකි. මාගේ පියා ට මා ඉහලින් ම ගරු කරන කරුණු වලින් එකක් ‍වන්නේ කුඩා කල සිටම මා මේ ආගමික හා අනෙකුත් මෝඩ විශ්වාසයන්ගෙන් තොරව හැදීමට ඉඩ සැලැස්වීමයි. හොල්මන්, භූතයන් සහ අනෙකුත් නොපෙනෙන දේ කෙරෙහි මට කිසියම්ම හෝ හැගීමක් නැති අතර ඕනෑම කලුවරක ද‍වසේ ඕනෑම කාලයක ඕනෑම තැනක ගමන් කිරීම මට කිසිදා ප්‍රශ්නයක් නොවීය. එහි මුලික අඩිතාලම දැමූ මාගේ පියානන් ට දහස් වාරයක් ස්තුතිවන්ත වෙමි.

නමුත් බුද්ධ දර්ශනය මා පිළිගන්නා බව කීමටද පසුබට ‍නොවෙමි. මෙය බොහෝ දෙනා අදහන ජනප්‍රිය බුද්ධ ධර්මය නොවේ, බුද්ධ දර්ශනයයි. මා පිළිගන්නේ බුදුන් වහන්සේ විසින් දේශනා කරන ලද්දේ ධර්මයක් නොව බුද්ධ දර්ශනයක් බවයි. එකල ඉන්දියාවේ සිටි සියලුම වර්ගයේ මිත්‍යාව වපුරන ආගම් කතෘවරුන් ට අභියෝගයක් වෙමින් උන්වහන්සේ ගේ දර්ශනය බැබලුනේ ඒ නිසාවෙනි. වචනයේ පරිසමාප්ත අර්ථයෙන්ම උන්වහන්සේ ශ්‍රේෂ්ඨතම චින්තකයෙකු විය. එම දර්ශනයේ කිතුණු දහමේ සහ ඉස්ලාම් දහමේ ආකාරයට කිසිම ආකාරයක ඉගැන්වීම් හෝ නියෝග ඇතුලත් නොවීය. එමෙන්ම නොපෙනෙන සර්වබලධාරී දෙවි කෙනෙකු ද නොවීය. සියලු දෙයම තීරණය කරන ලද්දේ එම දෙවියන් වහන්සේ නොව තමන් සිතා බලා ගන්නා නිවැරදි තීන්දු මතයී.

ලංකාවේ අනාගතය කොයිබටද? - 01

2010-04-07T13:40:00.008+05:30

ශ්‍රී ලංකාව මේ දශකය ආරම්භ කරන්නේ ඉතාමත් තීරණාත්මක සන්ධිස්ථානයක සිටයි.

අවුරුදු තිහකටත් වැඩි කාලයක් පැවති, රට අගාධයෙන් අගාධයට තල්ලු කළ යුද්ධයේ අවසානය එම සන්ධිස්ථානයයි. මෙරට වැටී සිටින මේ ආර්ථික හා සමාජීය අගාධයෙන් ගොඩ ඒමට අපට ඇති අතිශය ස්වර්ණමය සහ තීරණාත්මක අවස්ථාව මෙය බව මගේ හැගීමයි.

නමුත් අපගේ ජනතාවගේ සිතුම් පැතුම් සහ විශේෂයෙන් ම රට පාලනය කරන දේශපාලඥයින්ගේ සිතුම් පැතුම් වෙනස් නොකර මේ අවස්ථාව යථාර්තයක් කර ගැනීම සිහිනයක්ම පමණකි.

අපි සෑම අවස්ථාවකම රට සංවර්ධනය නොවීමේ වගකීම දේශපාලඥයන්ට පවරා, ඔවුන්ට බැන වැදී අත පිස දා ගන්නා ජාතියක්. නිකමට හෝ සිතා බැලුවාද ඔවුන් පත්වන්නේ ඔබගේම ඡන්දයෙන් බව. වැඩ නොකරන, තම ආත්මාර්ථය සදහා පමනක් වෙහෙසෙන මේ දේශපාලකයින් මේ තැන්වලට යවන්නේ ද ඔබමයි. එසේ නම් වැඩිම වගකීම ඇත්තේ ඔබ අතේ නොවේද?

ඔවුන් කියන කතා ඔබ පාට කන්නාඩි වලින් නොව සිහි බුද්ධියෙන් දැක්කාද, සිතා බැලුවාද? එසේ වුවා නම් මෙරට මේ වන විටත් මීට වඩා දියුණු රටක්.

දේශපාලනය අනිවාර්්‍යයෙන්ම ප්‍රතිපත්තිමය විය යුතුයි. යම් දේශපාලනඥයෙකුට ස්ථිර නොනැමෙන ප්‍රතිපත්තියක් තිබිය යුතුයි. ඔවුන් මැතිවරණයක් අභියසදී ජනාතාවට පැවසිය යුත්තේ ගැලරියේ හුරේ දමන කතා නොව තම ප්‍රතිපත්තින් සහ එමගින් ඔවුන් රට සංවර්ධනය හෝ සුභ සිද්ධිය සදහා කරන ආයෝජනයන් ආදියයි.

පහුගිය දිනවල රූපවාහිනි නාලිකා වල සංවාද දෙස බලන්න, ප්‍රතිපත්තිමය කරුණු ගැන කතා කළ ප්‍රතිශතය සියයට 1 ටත් අඩු බව වැටහේවි. ඔවුන් කරන්නේ එක් අපේක්ෂකයෙක් රුස්වීමකදී කියූ ගැලරියේ කතාවක් අල්ලාගෙන එයට පහර දීමයි, ඊළග දවසේ තවත් අයෙක් එයට පිළිතුරු දෙයි, මේවා කිසිවක් සැබෑ ප්‍රශ්න නොව නිකම්ම වැදගැම්මකට නැති කතා බව හොදින් බැලුවොත් ඔබට තේරේවි.

උදාහරණ බලන්න, අපේ එක අපේක්ෂකයෙක් වේදිකාවේ ප්‍රකාශ කරනවා මේ මැතිවරණයෙන් එක් පක්ෂයකට ආසන ලැබුනොත් තමා දේශපාලනයෙන් ඉවත් වන බව, තවත් අයෙක් ප්‍රකාශ කරනවා දුම්රියට බෙල්ල තියන බව, (ඔහු දන්නේ නැහැ ඔහු විසින්ම නීතිය උල්ලංඝනය කරන බව: ලංකාවේ නීතිය අනුව මොනම කරුණකට හෝ සියදිවි හානිකරගැනීමට උත්සහ ගැනීම නීතියෙන් තහනම්). මේවා දේශපාලනික වශයෙන් කොතරම් වැදගත්දැයි ඔබම සිතා බලන්න. ඉතින් මෙවැනි පුද්ගලයින් පාර්ලිමේන්තු යවා, බුද්ධිමත් සංවාද ඇතිකර රට සංවර්ධනයට ඔවුගේ ප්‍රබල දායකත්වය ඔබ බලාපොරොත්තු වන්නේ කෙසේද?

ඇමරිකා‍වේ ජනාධිපතිවරනය දෙස බලන්න, ඔවුන් තම ප්‍රතිපත්ති හෝ අදහස් ජනතාවට ප්‍රකාශ කිරීමට එකිනෙකාට මඩ ගසා ගැනීම අවමයි, විශේෂයෙන්ම රූපවාහිනී හෝ සජීවී ජන හමු වලදී කතා තරන්නේ ඉතා බුද්ධිමත් කරුනු වන අතර ජනතාවද සුවිශේෂි වු ආකාරයට බුද්ධිමත් ව ප්‍රශ්න අසා ඔවුන්ගේ ගැටලු නිරාකරනය කර ගනිමින් තමන් ඡන්දය පාවිච්චි කළ යුත්තේ කා සදහාදැයි තෝරා ගනී. අතිවිශාල වේදිකා තනමින්, තම පාක්ෂිකයන්ගේන් බස් රථ පුරවා සෙනග අද්දවමින්, අපේ රැලියට මෙච්චරක් ආවා ආදී ලෙස උදම් අනමින්, බිත්ති වැසෙන සේ ටොන් ගනන් පෝස්ටර් අලවමින් ක්‍රියා කළ අපේක්ෂකයින් එරට සිටියානම් නීතිය ක්‍රියාත්මක කිරීමටත් පළමුව ඔවුන්ව මානසික වෛද්‍යවරයෙකුට යොමු කිරීම අනිවාර්්‍යයයි.

මේ සියලු දේ සදහා වගකීම ඔබේ අතේ බව මතක තබා ගන්න. ඔබ ඔවුන් පත්කර යැවීමෙන් අනතුරුව ඔවුන් කිසිම බයක් සැකක් නැතිව වැරදි කරන්නේ හෝ මහජන මුදල් නාස්ති කරන්නේ ඇයි? නිකමට හෝ සිතා බැලුවාද? ඔවුන් කුමක් කළත් මීළග වතාවේත් ඔබ විසින්ම ඔවුන්ව නැවතත් පත්කරන බව ඔවුන් දන්නා නිසයි.

එසේ නොවී, ඔබ අවංකව සිතා බලා සැලසුම් සහගත දැක්මක් සහිත පුද්ගලයින් පමණක් පාර්මේන්තුවට යැවුවා නම් අද සිටින බොහෝ දේශපාලඥයින් විශ්‍රාම ගොස් බොහෝ කල් නොවේද?

දේශපාලඥයින්ව අවංක කීරීමේ උත්සහයන් ගන්නවාට වඩ ප්‍රථමයෙන්ම කළ යුත්තේ ජනතාව බුද්ධිමත් කිරීමයි. බුද්ධිමත් ජනතාවක් සිටින රටක කිසිම අවස්ථාවක වංක හෝ වගකීම් පැහැර හරින දේශපාලඥයෙකුට ඉඩක් නැහැ. මේ දේශපාලකයින් ම තමන්ගේ වේදිකාවල මේ රටේ ජනතාව ඉතාම බුද්ධිමත් යයි කියමින් ඔවුනව අන්දවා ඡන්ද වැඩිකරගන්නා‍ බව ඔබට දැනුනාද?

මා පිළිගන්නා ආකරයට ශ්‍රී ලාංකික ජනතාව දේශපාලනික බුද්ධිමත් භාවය අතින් තවමත් සිටින්නේ ඉතාම ප්‍රාථමික අවධියකයි.

ජනාතාව බුද්ධිමත් වීමෙන් තොරව මෙරට සංවර්ධනය කරා ගෙනයාමත්, ගම් කිහිපයක් පාරවල් කොන්ක්‍රීට් දමා, තැනින් තැනින් සැලසුමකින් තොරව ගුවන් පාලම් සාදා හෝ ප්‍රදේශ කිහිපයක ධිවරයින්ට දැල් ආම්පන්න දීමෙන් හෝ ගොවීන්ට ඉවක් බවක් නැතිව පාවිච්චි කිරීමට අසීමාන්තිකව පොහොර සහනාධාරය දීමෙන් හෝ අසීමාන්තික සුභසාධන ක්‍රියාත්මක කර ජනතාව කම්මැලි කර, නිකම් කන ජාතියක් බවට පත්කිරීමෙන් හෝ මෙරට ආසියාවේ අශ්චර්්‍යය කළ නොහැකි බව වේදිකා දෙදෙරවීමට කතා පවත්වන දේශපාලනඥයිනුත්, විශේෂයෙන්ම ඔවුන්ට ඡන්දය දෙන ජනතාවත් දැනගත යුතුයි!

හෙල උරුමයේ ශාපය

2010-04-01T16:57:00.003+05:30

මම මේ දැන් ඩේලි මිරර් ඔන්ලයින් නිව්ස් එකක මෙන්න මේක දැක්කා.

Moves are afoot to limit the use of alcohol in the country. JHU MP Ven. Attureliye Rathana Thera said that they would bring a proposal to limit the alcohol content in drinks to 20 percent and later gradually reduce it to 15 percent.

කොපි කරලම දැම්මේ, පස්සේ මේ ලින්ක් එක නැතුව ගියොත් කියලා හිතලයි.

මේ තියෙන්නේ ලින්ක් එක

http://www.dailymirror.lk/index.php/news/2782-moves-to-limit-alcohol.html#comments

මට හිතෙන්නේ මේ කරන්න යන් වැඩේ තනිකරම අර මොනව හරි කරන්න ඕනවට කරන දෙයක් විදිහටයි. අරක්කු නවත්තන්න ඕනෙ නම් තහනම් කරන්න, නැතුව සල්ලිත් වියදම් කරගෙන මේ වගේ තේරුමක් නැති වැඩ කරන්නේ ඇයි.

අරක්කු බෝතලයක තියෙන alcohol ප්‍රතිශතය අඩු කරල කොහොමද අරක්කු පාවිච්චිය අඩු කරන්නේ. වැඩිය වෙරි වෙන්න ඕන මිනිහා බෝතල් 2 ක් අරගෙන බොයි.

මේක අනිත් අතින් අරක්කු මුදලාලිලාගේ බිස්නස් වැඩි කරන්න ගත්ත හොද පියවරක්. මොකද අඩුවෙන් වෙරි වෙනකොට වැඩියෙන් සල්ලි දීල අරගනී. මොකද මම දන්න විදිහට අපේ ගොඩක් අය බොන්නේ වෙරි වෙන්න.

පාසල් ලමුන් අතර වගේ අඩු වයස් කාන්ඩ වල ළමයි අතර අරක්කු ජනප්‍රිය කරවන්නත් මේක හොද යොජනාවක්, මොකද ගොඩක් පොඩි උන්ට අරක්කු බොන්න තියෙන එක බයක් තමයි සැර වැඩිකම. මේ වැඩෙන් ඒ අයටත් බය නැතුව බෝතලයක් අරගෙන වැඩිය වෙරි වෙන්නේත් වැතුව බොන්න පුලුවන්.

ජාතික හෙල උරුමය කියන පක්ෂය මමනම් දකින්නේ ශ්‍රී ලංකාවට ශාපයක් විදිහට.

මම ජනාධිපතිතුමාගේ ගොඩක් ප්‍රතිපත්ති ගැන කැමැත්තෙන් ඉන්න කෙනෙක්, ඒත් මේ වගේ මෝඩ සහ කාලය කා දමන වැඩ කරන පක්ෂ සහ පුදුගලයන් එක්ක එතුමා කරන ගනුදෙනු නම් මම කොහොමටවත් අනුමත කරන්නේ නැහැ.

Akon ගේ තහනමත් මේ වගේම දෙයක්. Akon ගේ පැමිණිම නිසා තායිලන්තය, මාලේසියාව, බංගලාදේශය වගේ රටවල් වලින් 6000 විතර දෙනා ලංකාවට එන්න හිටියා. මේක මම නෙවෙයි කියන්නේ සංචාරක අමාත්‍යාංශයම තමා. අචල ජාගොඩ මන්ත්‍රිතුමා මේ ගැන බොහොම පැහැදිලිව ප්‍රංශ පුවත් සේවයට ප්‍රකාශයක් කරල තිබුනා මම කියෙව්වා‍.

දැන් වෙන්නේ මේ කිසිම සංචාරකයෙක් මේ රටට එන්නේ නැහැ. ඍජුවම මේකෙන් ලක්ෂ ගාණක පාඩුවක් වෙනවා. හෝටල් වල වෙන්කිරීම් අවලංගු වීම මගින්. ඒ වගේම තමයි ඔවුන් අවනම් වක්‍රව ඒ මගින් අපේ සංචාරක කර්මාන්තය දියුණු කරන්න ලැබෙන ප්‍රචාරය, ඒකත් නැති වෙනවා.

හෙල උරුමයෙ ඉන්න සමහරු බයයි, මේ රට දියුණු වෙලා මිනිසුන්ගේ ආර්ථිකය සහ මනස දියුණු වෙලා, අන්තිමට ඒ අය කියන මේ වැදි බන අහල චන්දෙ දෙන ප්‍රමාණය අඩුවෙයි කියල. ඒ නිසා ඔවුන් හදන්නේ මේ රට ආපහු කොහොම හරි එක්දාස් නවසිය ගණන් වලට අරගෙන යන්න.

ඉතින් මේක හෙල උරුමයේ ශාපය නොවෙයිද?

සැබෑ බුදු දහම ගැන වචනයක්!

2010-03-25T11:19:00.002+05:30

බොහෝ කලකට ඉහත ආචාර්්‍ය වල්පොල ශ්‍රී රාහුල හිමියන් විසින් පහත සදහන් ප්‍රකාශය කරන ලද බව ආචාර්්‍ය ඒබ්‍රහම් ටී කොවුර් මහතා විසින් රචිත හේතුවාදී සංදේශය නම් පොතේ සදහන් වේ.

“විවිධ නම් යටතේ මානව වර්ගයා බෙදීම ආගම් වලින් කෙරෙන්නකි. මානව වර්ගයා එක් කරන එකම සාධකය මානුෂිකත්වයයි.

සංස්කෘතිය අනේක් ආකාර වේ. ජාතික, ආගමික සහ මානුෂික යනුවෙනි. මින් මානුෂික සංස්කෘතිය ඉහලින්ම සිටී. සමාජය ‍භේද කරන දේශපාලන බෙදීම් ඊට නැත. බුද්ධ ධර්මයට අනුව සියල්ල අනිත්‍යයයි. කාලයාගේ ඉක්මීම සමග සංස්කෘතියද වෙනස් වෙයි. එසේ වෙනස් වන යම් සංස්කෘතියක් වෙනස් වී යා නොදී රැකගැනීම වුවමනාවක් නැත.

මනුෂ්‍ය ඝාතන හා ලේ වැගිරීම් මගින් ආගම පැතිරවීම පිළීනොගත් බුද්ධාගම ආසියාවේ ජාත්‍යන්තර සාධකයකි. අන් ආගම්වල නැති බෞද්ධ සංස්කෘතියේ විශේෂාංගය මෙයයි. මෛත්‍රිය පදනම් කරගත් බුදුන්ගේ ඉගැන්වීමේ මුලික අදහසද මෙයයි. එනම් සියලු භේද නොතකා මානව වර්ගයාට මෛත්‍රි කිරීමයි.

මගේ ආගම, මගේ ජාතිය, මගේ භාෂාව ගැන අද බොහෝ දෙනෙක් කතා කරති. එහෙත් බුදුන්ගේ ඉගැන්වීමට අනුව සියලු බැඳීම් වැරදිය. විශ්වසාධාරන සංස්කෘතියක ට බාධා කරන නිසා ධර්මයට බැඳීම්ද (ධම්ම තණ්හා) බුද්ධ ධර්මයෙහි බැහැර කොට තිබේ. මිනිසාගේ නිදහස් සිතීමට කිසිම බාධාවක් නොතිබිය යුතුය.

සිතා මතා අනතුරුව තම ආගම තෝරාගැනීමේ අවස්ථාව අද ලෝකයේ කිසිවෙකුට නොලැබේ. උප්පත්තියෙන්ම ආගම තීරණය වනවා මිස සිතා මතා ආගම තෝරා ගැනීමක් අද නැත. මෙබඳු සම්මත බන්ධනයන්ට බුද්ධ ධර්මයේ ඉඩක් නැත.

භාෂාවකට බැඳීම් ප්‍රගතියට බාධාවකි. ජාතිවාදයද ‍එසේමය. බුදුන්ගේ ඉගැන්වීම සලකා බැලූ විට මානව සංස්කෘතියට ඉන් ලැබෙන තැන පෙනේ. බුද්ධ ධර්මයේ පදනම මුළු මිනිස් වර්ගයාට ම මෛත්‍රි කිරීමයි.”

- ආචාර්්‍ය වල්පොල ශ්‍රී රාහුල හිමි -

- සිලොන් ඩේලි නිව්ස් -

උපුටා ගත්තේ – හේතුවාදී සංදේශය (ආචාර්්‍ය ඒබ්‍රහම් ටී කොවුර්)

ඉහත සදහන කෙතරම් සත්‍යයදැයි නිකමට සිතා බලන්න. විශේෂයෙන්ම බෞද්ධ භික්ෂූන් වහන්සේ නමක් විසින් මේ ප්‍රකාශය කිරීම තුල විශේෂ වටිනාකමක් එයට ලැබී ඇත.

මෙරට සියලුම දේ බිස්නස් එකක් හෙවත් ව්‍යාපාරයක් වී ඇති කලෙක ධර්මය පවා එයට යටවී ඇති බවට හොදම උදාහරණය පොහොය දිනවල සිදු කෙරෙන ශීල ව්‍යාපාරයි. මේවාට පැමිණෙන උදවියගෙන් කිහිප දෙනෙක් ඒවාට සම්පූර්ණයෙන්ම කැපවී සිටියත් බොහෝ දෙනෙකු ඒ සදහා සහභාගි වන්නේ ෆැෂන් එකක් ලෙසයි. ඔවුන් බොහෝ දෙනෙකුගේ අරමුණ කෙසේ හෝ අනෙකාට වඩා කලින් නිවන් යාමයි. එසේ නැතහොත් පන්සලේ ප්‍රධාන දායකයා ලෙස හෝ හොදම සිල්වත් පුද්ගලයා ලෙස කැපී පෙනීමටයි. ‍මෙය ධර්මයට ලැදි බව නොව ධර්මයට ඇති තණ්හාවයි. ඉහත උපුටා ගැනීමෙන් ම දැක්වෙන් පරිදි මෙය බුදු දහමේ ප්‍රතික්ශේප කෙරෙන්නකි.

එලෙසම බොහෝ රූපවාහිනි නාලිකා වලින් ද සිදු කරන්නේ ධර්ම ප්‍රචාරයක් නොව තරගයකි. බොහෝ ධර්මය දෙසන ස්වාමීන් වහන්සේලා ද සිදු කරන්නේ ධර්මය ප්‍රචාරය කරමින් එයට සවන් දෙන ප්‍රද්ගලයන්ගේ සිත් නිවීමට තැත් කිරීම නොව සමාජයේ ඇති වැරදි හෝ වැරදි යයි ඔවුන් වටහා ගන්නා දේ උලුප්පා දක්වමින් ශ්‍රවනය කරන්නන්ගේ සිත් වල වෛරය ඇති කිරීමයි.

විශේෂයෙන් ම මෙරට තරුණ පරම්පරාව මේ දේශකයානන් වහන්සේලාගෙන් බොහෝ දෙනෙකුට පෙනෙන්නේම වැරදි කරන්නටම උපන් පිරිසක් ලෙසයි. අපවත් වී වදාල ගරු ගංගොඩවිල සෝම හිමිපානන් වහන්සේ වැනි තරුණයන් යහමගට ගෙන ඔවුන් යහපත් කාර්්‍යයන් ට යොදවා ගැනීමට උත්සහ කරන්නේ ඉ‍තාම අතලොස්සක් පමණකි.

මෙය මාගේ හිතලුවක් හෝ ක්‍රෝධයෙන් කරන ගැරහීමක් ලෙස සිතන්නේ නම් ඔබ කළ යුත්තේ ඕනෑම පොහොය දිනක රූපවාහිනී නාලිකා වලින් විකාශනය වන ධර්ම දේශනයන්ට හෝ පන්සලක පැවැත්වෙන ධර්ම දේශනාවකට විවෘත මනසින් සවන් දීමයි.

බුද්ධ දර්ශනය විවෘත මනසකින් කියවා බලා නුවණින් ගෙන ක්‍රියාත්මක කරන්නේ නම් එය ඉතාමත් වටිනා ජීවන දර්ශනයක් බව ඔබට වැටහෙනු ඇත. නමුත් අද බොහෝ දෙනා කරන්නේ ජනප්‍රිය බුදු දහම සහ මෑත කාලිනව ඉන්දියාවෙන් අපට ලැබුණු දේව සංකල්ප හා විශ්වාස පටලවාගෙන බුදුන්ගේ නිර්මල දර්ශනය විකෘති කිරීමයි.

අවාරෙ සිරිපාද ගමන

2010-03-13T12:42:00.008+05:30

මේක ටිකක් පරණ කතාවක් වුනත් සින්ඩියේ ඉන්න අයට දැකගන්න සලස්වන්න හිතුනා.

අපි මේ ගමන ගියේ 2009 සැප්තැම්බර් මාසේ දවසක, ඒ කියන්නේ සිරිපා කරුණා කරන සාමාන්‍ය කාලයේදි නෙවෙයි. ඇත්තටම අපි මේ ගමන දැන් අවු 5 තිස්‍සේ අවුරුදු පතා කරනවා. කිසිම බාරයකටනම් නෙවෙයි, මේ අපි ඉන්න දූවිලි පිරුණු කර්කශ ලෝකෙන් ඈත් වෙලා දවස් 2ක් හරි ඉන්න පුලුවන් නිසා.

ගමන ගැන කියනවනම්, තනිකරම මීදුම, නැත්නම් වැස්ස, යන්තම් විනාඩියකට වගේ ඉර එලිය, ඒත් විශේෂයෙන්ම සම්පූර්ණයෙන්ම නැවුම් වාතය සහ පොළොව.

පුදුමාකාර හැගීමක් තමයි දැනෙන්නේ. අනිත් එක සිරිපා කරුණා කරන කාලෙට දකින්න නොලැබෙන සහ කරන්න නොලැබෙන බොහෝ දේ අපිට ලැබුනා

උදාහරණයකට කියනවනම් අපි උඩට අරන් ගියේ ලොකු වතුර බෝතල් දෙකයි, මදි පාඩුවට ගත්තේ සීත ගගුලේ වතුර සහ ඊට උඩදි කැලේ මැදින් එන දියපාරවල වතුර

කොහොමද වාරෙට මේ වතුර බිව්වොත්, පාවනය සහ කොලරාව හැදිල!

පහල තියෙන පින්තූර බලන්න, මම වචන නාස්ති කරන්නේ නැහැ.

මෙවර මහ මැතිවරණයෙන් ජනතා විමුක්ති පෙරමුණ ආසන කීයක් ලබා ගනීද?

2010-03-12T10:08:00.000+05:30

කරුණාකර මගේ මත විමසුමට සහයක් දක්වන්න, ඔබේ පිළිතුරත් සදහන් කරන්න!

කට්ටිය දැන් ‍බ්ලොග් කියවීම සීමා කරලද? නැත්නම් කමෙන්ට් දැමීම නවත්තලද?

2010-03-05T12:47:00.002+05:30

මේක මගේ බ්ලොග් එක විතරක් බලන්නෙ නැති කමද නැත්නම් පොදුවේ වෙන දෙයක්ද?

මම පෝස්ට් කීපයක්ම ලගදි දැම්මත්, කමෙන්ට් නම් ලැබිල තිබුනෙ බොහොම සීමිත සංඛ්‍යාවක්. ඇයි මෙහෙම වෙන්නෙ?

No of visits 800 පැනල ඒත් කමෙන්ට්ස් තියෙන්නෙ 30 විතර, සම්පූර්ණ ලිපි එකතුවටම. මේක හොද දෙයක් නෙවෙයි. මොකද විවේචනය තමයි තවත් ලියන්න පොළඹවන්නෙ. මම නම් අනිවාර්්‍යයෙන්ද දවසට කමෙන්ට් 5ක් වත් දානවා.

කරුණාකරලා ඇවිත් යන අය හොදයි/නරකයි කියලවත් යන්න.

විවාහයට වයස බලපාන්නේ කොහොමද?

2010-03-04T12:07:00.005+05:30

මට මේ ලිපිය ලියන්න හිතුනේ "විවාහ වෙන්න ඉන්න අය කියවිය යුතුම පාඩමක්" කියන ලිපිය කියෙව්වට පස්සෙ. මගේ ලිපිය කියවන්න කලින් ඒක කියවල හිටියොත් හොදයි මම හිතන්නෙ.....!

මේ මාතෘකාව යටතේ ශාස්ත්‍රිය නැත්නම් සම්පූර්ණයෙන්ම ජීව විද්‍යාත්මක හෝ සමාජ විද්‍යාත්මක ලිපියක් ලියන්න තරම් විශෙෂඥ දැනුමක් මට නැති වුනත් මම ඉගෙනගෙන සහ අත්දැකීමෙන් දන්න සමාජ විද්‍යාත්මක සහ ජීව විද්‍යාත්මක කරුණු වලින් දද පැහැදිලි කිරීමක් කරන්නම්. වැරදි පෙන්වා දීම ඔබේ වගකීමක්!

විවාහයකදි වයස බලපාන විදිහ විවිධයි.

කොහොමටත් අවු 20 සහ 40 වගේ ලොකු පරතරයක් තියෙන දෙන්නෙකුගෙ විවාහය නම් අසාර්ථක වෙන්න තියෙන ඉඩ වැඩියි.

ඒත් මම කතාකරන්න යන්නේ ඉහත ලිපියෙන් කියන කාරණා කීපයක් ගැනයි.

"පිරිමියා කාන්තාවට වඩා වයසින් අඩුවීම කිසිසේත්ම ගැලපෙන්නෙ නැහැ"

මේ තර්කයට එකග වෙන්න ටිකක් අමාරුයි.

හේතුව මෙතනදි විවාහයක් අසාර්ථක වෙනවනම් ඊට බලපාන්නෙ දෙදෙනාගෙ අන්‍යොන්‍ය තේරුම් ගැනීමේ හැකියාවයි.

ජීව විද්‍යාත්මකව ගත්තොත් කාන්තාව වයසින් වැඩිවීමේදි වෙන්න පුලුවන් දේවල් කීපයක් තියෙනවා.

1. බොහෝ වෙලාවට මෙතනදි කාන්තාව අවු 30 දි වත් විවාහ විය යුතුයි. හේතුව කාන්තාවකට දරුවන් ලැබීමට හොදම සහ ආරක්ෂාකාරීම වයස අවු 24 - 35 අතර නිසා. මෙහිදී ඇතිවන ප්‍රශ්නය තමයි පිරිමියාට තරමක් අඩු වයසින් විවාහ වීමට සිදුවීම - අපි හිතමු කාන්තාව අවු 4 වැඩිමල් කියල. එහෙමනම් ඇයට 30 වෙනකොට පිරිමියාට වයස 26.

මෙතනදි පිරිමියාට තරමක් අඩුවයසෙදි වැඩි වගකීමක් ගන්න වෙනවා. ඒත් බිරිදගෙන් හරි විදිහට සහයෝගයක් ලැබෙනවනම් මේ ප්‍රශ්න බොහෝදුරට අවම වෙනවා.

කාන්තාව අනවශ්‍ය විදිහට පිරිමියාව පාලනය කරනවා කියන තර්කයට නම් කොහොමටවත් එකග වෙන්න බැහැ, මොකද පිරිමින්ව පාලනය කරන කාන්තාවන් ඕන තරම් ඉන්නවා වයසින් ඇය අවු 7-8 අඩුවුනත්. මේකට කාන්තාව වයසින් වැඩිවෙන්න ඕනෙම නැහැ.

2. බොහෝ කාන්තාවන් පිරිමින්ට වඩා ඉක්මනින් බාහිර රූපයෙන් වැහැරීමේ ප්‍රවනතාවයත් වැඩියි. මේකට එක හේතුවක් තමයි ඇයට වයස 40-45 අතර ආර්තවහරණය සිද්ධවීම, එහෙමත් නැත්නම් දරුවන් ලැබීමේ හැකියාව නැතිව යාමත් සමගම සිදුවන යම් යම් හෝමෝන ක්‍රියාකාරීත්වයන් නැවතීම.

මෙහිදී පිරිමියා වයසින් අඩුයිනම් මෙය වඩාත් වැඩියෙන් දැනී යා හැකියි. බොහෝ වෙලාවට පිරිමින් වෙනත් ආශ්‍රයයන් සොයා යාමට මෙය බලපෑ හැකියි. නමුත් දෙදෙනා අතර අවබෝධය හොදින් තියෙනවනම් මේ තත්ත්වයත් පහසුවෙන් මගහරවා ගත හැකියි.

3. තුන්වන් අවස්ථාව නම් බොහෝවිට සමාජ විද්‍යාත්මක පැත්තට බරයි.
අපේ රටේ බොහෝ කාන්තාවන් වයස 40-45 වගේ වෙනවත් එක්කම ආගම පැත්තට වැඩියෙන් බරවෙනවා, ඒ වගේම දරුවන් ලැබීමත් ඔවුන් වැඩීමත් සමගම ලිංගික චර්යා සදහා තියෙන කැමැත්ත අඩුවෙනවා.

ඇත්තටම මේක ජීව විද්‍යාත්මකව වෙන දෙයකට වඩා සමාජමය වශයෙන් තියෙන මත නිසා ඇතිවන දෙයක්. මොකද ජීව විද්‍යාත්මකව බැලුවොත් කාන්තාවකගේ වුනත් ශාරීරිකව මේ හැකියාව අවු 40 වෙද්දිනැතිවෙන්න තියෙන ඉඩ අඩුයි. ගොඩක් වෙලාවට වෙන්නෙ ඉහත කිව්වා වගේ සමාජයෙන් අසන්නට සහ දකින්නට ලැබෙන දේවලුත් එක්ක මේ අකමැත්ත ගොඩනැගීමයි. නමුත් මේ අවස්ථාවලත් ‍99% ක් ම පිරිමි පාර්ශවය සක්‍රියයි. අන්තිමට සිද්ධ වෙන්නෙ පවුල් ප්‍රශ්ණ ඇතිවීමයි.

බොහෝ වෙලාවට අපේ රටේ සමාජය විසින් වික්ටෝරියානු සම්ප්‍රදාය අනුගමනය කරමින් බලෙන් පටවාගත් සංස්කෘතියක් ගැන කතාකරමින් එහෙමත් නැත්නම් ඊනියා ආගම් වාදීන්ට රැවටීමෙන් මේ තත්ත්වය ඇතිවෙනවා.

දෙදෙනා අතර අවබෝධය හොදින් තියෙනවනම් මේ තත්ත්වයත් පහසුවෙන් මගහරවා ගත හැකියි.

මේ විදිහට බැලුවාම විවාහයට වයස සම්බන්ධයෙන් තියෙන බලපෑම දෙදෙනාගේ අවබෝධය මත බොහෝ දුරට මගහරවා ගන්න පුලුවන්.

අපේ රටේ මේක ටිකක් දුර්ලභ දෙයක් වුනාට බොහොමයක් බටහිර රටවල මේ විදිහේ විවාහ තියෙනවා. අපි හිතන්නෙ ඒව සාර්ථක නැහැ කියලා, මේකට හේතුව තමයි අපිට මාධ්‍ය මගින් අහන්න දකින්න ලැබෙන්නෙ ම අසාර්ථක වුන විවාහයන් ගැන වීමයි.

ඇත්තටම හොදින් බැලුවොත් පෙනේවි පිරිමියාට වඩා කාන්තාව වැඩිමහල් වුන විවාහයක් කරගෙන බොහොම හොදින් පවුල් ජීවිත ගත කරන අය.

මේ විදිහෙම තියෙන තවත් ප්‍රශ්නයක් තමයි ගොඩක වෙලාවට පිරිමි හොයන්නෙ තමන්ට වඩා උසින් අඩු කාන්තාවන්, කාන්තාවන් හොයන්නේ තමන්ට වඩා උසින් වැඩි පිරිමින් වීම.

ඇත්තටම නම් ආදරය, විවාහය සහ ජීවත්වීම කියන්නෙ මේ විදිහේ පටු දේවල් වලට වඩා එහාට ගිය බොහොම සුන්දර දෙයක්!

ජ්‍යොතිෂ ශාස්ත්‍රය සහ එහි ඉතිහාසය

2010-02-25T15:47:00.003+05:30

නක්ෂත්‍රය ලෙසද ජ්‍යොතිෂ ශාස්ත්‍රය (Astrology) හදුන්වනු ලැබේ. ග්‍රහවස්තූන් සහ තාරකා නීරීක්ෂණය කිරීමෙන් පසු ඒවායේ ගමන් මාර්ගය සහ හැසිරීම්වල ඇතිවන වෙනස ඒ ඒ මනුෂ්‍යයා කෙරෙහි බලපාන්නේ කෙසේද, කුමන ආකාරයකටද, කොපමණ ප්‍රමාණයකටද, යන්න ගණිතමය ලෙස ගණනය කිරීමත් එකී නිරීක්ෂණවල ප්‍රතිපලයක් ලෙස අනාවැකි ඉදිරිපත් කිරීමත් ජ්‍යොතිෂ ශාස්ත්‍රයේ ස්වභාවය වෙයි.

ජ්‍යොතිෂය විෂයක් ලෙස බිහිවූයේ අවුරුදු දහස් ගණනකට පෙරය. පෘථිවිය පැතලියයිද දෙවියන් වසන ආකාශ ගෝලය ඊට ඉහලින් ඇතැයිද එකළ විශ්වාස කරන ලදී. ග්‍රහ වස්තූන් ගමන්ගන්නේ දෙවියන්ගේ කැමැත්ත මතයැයි පිළිගනු ලැබීය. මිනිසාගේ ඉරණම දෙවි දේවතාවුන් සහ ග්‍රහ වස්තු මගින් පාලනය වෙතැයි කල්පනා කිරීමේ හේතුවෙන් බිහිවූ මිත්‍යා විශ්වාසයක් ලෙස ජ්‍යොතිෂය හැදින්විය හැකිබව ඇල්ෆන් තරංගය සොයාගත් ප්‍රකට භෞතික විද්‍යාඥයෙකු වූ මහාචාර්ය හෑන්ස් ඇල්ෆන් පෙන්වා දී ඇත.

ජ්‍යොතිෂ්‍ය විද්‍යාත්මක නිරීක්ෂන සහ ගණිතමය ගණනය කිරීම් මත පදනම් වූ අඩක් ආනුභවික අඩක් මිත්‍යා විශයක් යයි පිළිගැනීමක් ඇත.

ග්‍රහවස්තූන් මනුෂ්‍යයා කෙරෙහි පමණක් නොව ඕනෑම ශාකයක් හෝ සත්ත්වයෙකු කෙරෙහි යම් බලපෑමක් කරන බව සත්‍යයකි. නූතන ‍ක්වොන්ටම් විද්‍යාවට අනුව මෙය තරමක් පැහැදිලි කළ හැකියි.

ජලය නොමැති විට ශාක වියලී යයි, සූර්්‍යාලෝකය නොමැතිව දීර්ඝ කලක් කිසිවෙකුටත් පැවතිය නොහැක, එසේම සූර්්‍යතාපය අධික දිනවල මිනිස් සිරුරට පීඩා ගෙන දෙයි, එහෙත් යම් තෝරාගත් ජීවියෙකුට ග්‍රහ වස්තූන් නිශ්චිතවම කෙසේ බලපාන්නේදැයි ගණනය කළ නොහැකිය. ජීවියා උපත ලැබූ අවස්ථාවේ ග්‍රහවස්තූන් පිහිටි ආකාරය මත ජීවියාගේ අනාගත ජීවිතය ගැන නියත අනාවැකි කීම නොකළ හැක්කකි. එහෙයින් ජ්‍යොතිෂ්‍ය සත්‍යවූ දත්ත මත ගොඩනැගී ඇති මිත්‍යා විද්‍යාවක් ලෙස හදුන්වා දිය හැකිය. එය අනුභවික ලක්ෂණ මෙන්ම රූපික ලක්ෂණ ද සහිත විද්‍යාවකි.

"මෙය තනිකරම සූදුවකි. පලපුරුද්ද ඇත්තෝ අනාවැකි කීමෙන් ජයගනිති."

කාගිල්ස් ෆුඩ් සිටි සහ සදාචාරය

2010-02-24T13:06:00.004+05:30

ලංකාව යනු සදාචාරය සහ සභ්‍යත්වයට මුල් තැනක් දෙන, සම්ප්‍රදාය ගරු කරන රටක් කියලා බොහෝ දෙනෙක් කියනවනේ. දැන් රජයෙනුත් මේ දේවල් නීති මගින් හරි කරවන්න යනවා කියලත් ආරංචියි. විශේෂයෙන්ම අන්තර්ජාලය සීමා කිරීම, මතට තිත වගේ දේවල් වලින්.

දැන් ප්‍රසිද්ධ ස්ථාන වල මත්පැන්, දුම්වැටි තහනම්. බාර් එකකට ගැහැනු කෙනෙක් ගියොත් මොනවත් ගන්න බැහැ. මේ හැමදේම හොදමට හොදයි.

ඒත් ප්‍රශ්නයකට තියෙන්නේ කාගිල්ස් ෆුඩ් සිටි වල මත්පැන් වෙළදසැලේ මත්පැන් අලෙවි කරන්න කාන්තාවක් යොදා ගැනීම මේ සදාචාරයට එකගද කියන එකයි.

විශ්වාස නැත්නම් ගම්පහ කාගිල්ස් ෆුඩ් සිටි එකේ මත්පැන් වෙළදසැලට ගිහිල්ලම බලන්න.

ලංකාවේ ගමනාගමනය

2010-02-17T13:30:00.002+05:30

මේ ලියන්න යන්නෙ ගමනාගමනය ගැන විග්‍රහයක් නම් නෙමෙයි, මේ ළඟකදි මට සිදුවුණ දෙයක්.

ලංකාවේ පොදු ප්‍රවාහන සේවයකින් ගමනක් යනවා කියන්නේ අපේ විදිහට කියනවා නම් කුණක්. මම හිතන්නේ බස් වල හෝ දුම්රිය වල ගමන් කරලා තියෙන කෙනෙක් නම් මේ ගැන දන්නවා ඇති.

කිලෝමීටර් 120 කියන්නේ දැන් කාලේ බොහොම සුලු දුරක් විදිහට තමයි ගණන් ගැනෙන්නේ. කැනඩාවේ ඉන්න මගේ හොඳ මිත්‍රයෙක් හැම දවසකම පැයක් ගතකරලා කි.මි. 100 දුරක් යනවා තමන්ගේ වැඩකරන ස්ථානයට, ජපානයේ ඉන්න මගේ මල්ලි කාලයක් දුම්රියෙන් කි.මි. 100 වැඩි දුරක් හැමදාම ගමන් කළා වැඩ කරන තැනට, ඉතින් මේ දේවල් හිතනකොට මේක හරි සරල දෙයක්.

කි.මි. 120 කියන්නේ කොළඹ ඉඳලා මගේ උපන් ගමට තියෙන් දුර. හරියටම කිව්වොත් කොළඹ ඉඳලා මහනුවරට තියෙන දුර, එතන ඉඳලා තව කි.මි. 4ක් තියෙනවා මගේ ගෙදරට. සම්පූර්ණයෙන්ම ගත්තොත් කි.මි. 124 හෝ 125.

කියන්න පුළුවන්ද මට මේ ගමන යන්න කොච්චර වෙලාවක් ගියාද කියල. මේ කියන්නේ සෙනසුරාදා උදේ වරුවක් ගැන. හරියටම කිව්වොත් පැය 6 ට වැඩිය ගියා!

මම උදේ 10.15 (හරියටම වෙලාව මතක නැහැ, ඒත් මතක විදිහට 10.15 තමයි) තියෙන මහනුවර දුම්රියට කොළඹ කොටුවෙන් නැග්ගේ විනාඩි 20ක් කලින්. වැඩි හොඳට දෙවන පන්තියේ ටිකට් එකක් ගත්තා ටිකක් හරි අඩුවෙන් හිරවෙලා යන්න හිතාගෙන. ඒත් බලනකොට දෙවනි පන්තිය මොකක්ද, තුන්වන පන්තිය මොකක්ද කියලා හොයා ගන්න බැරි තරමට සෙනග. දෙවන පන්තියේ ගමන් කරන හැමෝම ඒ අදාල ටිකට්ම අරගෙන ඉන්න අයද කියලා මටනම් වෙලාවකට සැකයි. මොකද කවුන්ටරයෙන් කිව්වේ 2^nd class ටිකට් වැඩිය ගිය නැති බවයි. ඒත් මොනව කරන්නද, යන්තම් දොර ළඟ එල්ලුනා. මම අකමැතිම සහ බයම දේ තමයි දොරේ එල්ලිලා යන එක. එක වතාවක් අසාවට ගිහිල්ලා‍ තේරුම් ගත්තා අයෙ නම් කවදාවත් ඒ ගොන් වැඩේ කරන්නේ නැහැ කියලා. ඒත් එදා නම් කරන්න දෙයක් තිබුනෙම නැහැ. කොහොම හරි ඒක හරි කියමුකෝ, දැන් වෙලාව 10.20, තවම කෝච්චිය තිබුණු තැනමයි. මම හිතුවා විනාඩි පහ කියන්නේ එච්චර දෙයක් නොවෙයිනේ, දැන් යන්න පටන් ගනී කියලා. කිසිම දැනුම්දීමකුත් නැහැ වෙලාව 10.30. මම වටපිට බැලුවා වැරදි කෝච්චියටද නැගලා තියෙන්නේ කියලා දැනගන්න. ඒත් නැහැ. ඔන්න ඒ වෙලාවේ ස්ටේෂන් එකේ යකඩ කට කෑගහන්න පටන් ගත්තා. “පෙරවරු 10.15 මහනුවර සහ මාතලේ බලා ධාවනය වීමට නියමිත දුම්රිය අද දින විනාඩි 30 පමණ ප්‍රමාදවී ධාවනය වේ” කියලා. මම කල්පනා කළේ 10.15 යන්න තියෙන් කෝච්චිය පරක්කු වෙනවා කියල කියන්නෙත් 10.30 ට නම් මොනවා කරන්නද කියලයි. යන්තම් 10.45 කිව්වා දැන් කෝච්චිය පිටත් වෙනවා කියල. ඒත් 10.50 වෙලත් කිසිම වෙනසක් නැහැ. යන්තම් එකොළහට විනාඩි පහක් තියෙද්දි කෝච්චිය යන්න පිටත් වුනා. මේක සීග්‍රගාමී දුම්රියක් නිසා ටිකක් ඉක්මනට යන්න පුළුවන් බව මම දැනගෙන හිටියා. ඒත් සංඥා (signal) නොලැබීම නිසා කීප තැනක නවත්තමින් යන්තම් 1.30 ට කෝච්චිය පොල්ගහවෙලට ආවා. මෙතන ඉඳලා තව පැය එකහමාරක්වත් යනවා නුවරට යන්න. පොල්ගහවෙලින් සෑහෙන පිරිසක් බැහැල ගිය නිසා යන්තම් ඉඩ ටිකක් ලැබුණා. මමත් බැහැලා කැන්ටිමට ගිහිල්ලා වතුර බෝතලයක් එහෙම අරගෙන පොඩි බිස්කට් එකකුත් බඩට දාගත්තා. අම්මට දවල් කෑමට එනවා කියලා තිබුණ නිසා මම වෙන දෙයක් කෑවෙත් නැහැ.

ඉතින් මෙතන කෝච්චිය විනාඩි දහයක් විතර තිබුණා. බලනකොට බඩු වගයක් පටවනවා. වැඩේ ඉවර වෙන්න තව විනාඩි පහක් ගියා. ඒත් තවමත් ගමන පටන් ගත්තේ නැහැ. තවත් විනාඩි 15 කට විතර පස්සේ දැනුම්දීමක් කළා කෝච්චිය පැය බාගයක් විතර පරක්කු වෙන බව කියලා.

දැන් වෙලාව 2.00. බලනකොට එන්ජින් එක පෙට්ටි වලින් වෙන්කරලා අහකට ගත්තා. තවත් විනාඩි 20 ක ට විතර පස්සේ තව එන්ජින් එකක් ගෙනල්ලා සවි කළා. අන්තිමට 2.25 ට කෝච්චිය ආයෙත් ගමන පටන් ගත්තා. දැන්නම් ඉතින් එක දිගට යන්න පුළුවන්, මම හිතුවා. ඇත්තටම ගමනත් හොඳට කෙරුනා. පැයකට විතර පස්සේ කෝච්චිය ඉහල කෝට්ටේ නැවතුම් පොළට ආවා. වෙලාව 3.25. මගින් කීප දෙනෙක් බැස්සා, දැක්ක විදිහට නම් කිසිම කෙනෙක් ඇතුල් වුනේ නැහැ. මේ විදිහට මෙතනත් අපි විනාඩි 25 විතර ඉන්නකොට නුවර ඉඳලා එන කෝච්චියක් ආවා. ඊට පස්සේ තමයි මම හිටපු දුම්රිය ගමන පටන් ගත්තේ. වෙලාව 3.55. තව විනාඩි 45 වත් යනවා නුවරට යන්න. අන්තිමට මම අම්ම හදල තිබුණ දවල් කෑම එක කනකොට වෙලාව 4.55.

ගමනට ගතවුන සම්පූර්ණ කාලය පැය 6 විනාඩි 40!

කොහොමද ලංකාවෙ පොදු ගමනාගමනය!

ඇයි මේ සුදු කොඩි නැතුව ආපු අයද

2010-02-13T09:24:00.003+05:30

සුභ උපන් දිනයක්! ජනාධිපතිතුමනි

2009-11-18T13:14:00.003+05:30

ශ්‍රී ලංකා ජනාධිපති මහින්ද රාජපක්ෂ මහතා‍ගේ උපන් දිනයට ම‍ගේ සුභ පැතුම්!

යුධ වීරයන් දෙදෙනෙකුගේ සටන

2009-11-14T11:43:00.008+05:30

ඊයේ සහ අද පුවත්පත් සහ අනෙකුත් මාධ්‍ය වාර්තා කළ අන්දමට ආරක්ෂක මාණ්ඩලික ප්‍රධානී තනතුරෙන් ජනරාල් සරත් ෆොන්සේකා මහතා ඉල්ලා අස්වී තිබේ. මීලඟ ජනාධිපතිවරණයට ඉදිරිපත් වීම ඒ මහතාගේ බලාපොරොත්තුව බව මේ මාධ්‍ය මගින් පුන පුනා පවසමින් තිබේ.

මා දන්නා සහ විශ්වාස කරන ආකාරයට ලංකාවේ කිසිම මාධ්‍යයක් අපක්ෂපාතී නැත. ධනේෂ්වර වාදී ආණ්ඩු සහ ආර්ථික ක්‍රම පවතින කිසිම රටක මාධ්‍ය අපක්ෂපාතී නොවේ. එය විශ්වාස කල හැකි සත්‍යයක් බව එවැනි ඕනෑම රටක මාධ්‍ය භාවිතය දෙස බැලූ විට හොඳින්ම පෙනේ

ජනරාල් සරත් ෆොන්සේකා යනු ශ්‍රී ලාංකාවේ යුධ වීරයෙකි. වසර 30 තිස්සේ පැවති සාපලත් යුද්ධයට නැවතීමේ තිත තැබීමේ ප්‍රධානතම මිලිටරි සාධකය එතුමාගේ නායකත්වයයි. ගුවන් හමුදා ප්‍රධානියා සහ නාවික හමුදා ප්‍රධානියා ඇතුලු වෙනත් බොහෝ දෙනෙකුගේ නායකත්වය මේ සටන සඳහා ලැබුනද තීරණාත්මක සාධකය ජනරාල් සරත් ෆොන්සේකා මහතා බව පිළිගත යුත්තකි. මේ ජනවාර්ගික යුද්ධයක් ලෙස හදුන්වමින් මේ සඳහා මිලිටරි විසඳුමක් නැතැයි කියූ සහ මාක්ස්වාදය, ලෙනින්වාදය, කොමියුනිස්ට්වාදය, ධනවාදය, ප්‍රජාතන්ත්‍රවාදය යන සියල්ල පටලවා ගනිමින් දේශයට විහිලු සැපයූ වික්‍රමබාහු මහතා සහ ‍අනෙකුත් පුද්ගලයන් මෙන් නොව ජනරාල් සරත් ෆොන්සේකා මහතා කෙලින් කතා කරමින් මේ යුද්ධය අවසාන කල හැකි බවත් ප්‍රභාකරන් යනු තමාටත් ශ්‍රී ලංකා හමුදාවන්ටත් තවත් එක් ත්‍රස්තවාදියෙක් පමණක් බවත් නොබියව ප්‍රකාශ කරන ලදී. ප්‍රකාශ වලින් පමණක් නොනැවතී එතුමා ප්‍රමුඛ වීරෝදාර හමුදාවෝ එය ක්‍රියාවෙන්ද ඔප්පු කර ඇත.

ජනාධිපති මහින්ද රාජපක්ෂ මහතා යනු මෙරට තවත් යුධ වීරයෙකි. මේ යුද්ධය අවසාන කිරීමට තීරණාත්මක සහ එකම දේශපාලන නායකත්වය එතුමා බව අවිවාදිතයි. මා මෙහිදී එකම යනුවෙන් පවසන්නේ ‍ගණන් කල නොහැකි තරමට ඇමතිවරුන් රොත්තක් සිටියත් ඔවුන් මේ යුධ ජයග්‍රහණය සඳහා සැපයූ දායකත්වය විහිලු සැපයීම පමණක් නිසයි. අඩුම තරමින් තමන්ගේ අමාත්‍යාංශයේ ප්‍රශ්ණ පවා ජනාධිපති වරයා වෙතට යාමට කලින් විසඳා එතුමාගේ බර සැහැල්ලු කිරීමට හෝ මේ ඇමතිවරුන්ට නොහැකි විය. යුද්ධය සඳහා මාර්ගෝපදේශකත්වය සපයන අතරම මේ ඇමතිවරුන්ගේ අමාත්‍යාංශ ප්‍රශ්ණ පවා විසඳීමට ජනාධිපතිතුමාට සිදුවිය. යුද්ධය අතරතුර පකිස්ථානය, චීනය සහ රුසියාව වැනි අවංක මිතුරන් ලං කර ගනිමින් ඔවුන්ගේ උදව් ලබා ගැනීමට, ආයුධ සහ අනෙකුත් උපකරණ නොපමාව සැපයීමට සහ විවිධ විදේශිය බලවේග වලින් හමුදාව සහ හමුදා නායකත්වය ආරක්ෂා කිරීමට එතුමා තීරණාත්මක කාර්්‍යභාරයක් ඉටු කරන ලදී.

විපක්ෂය සහ විවිධ කණ්ඩායම් ප්‍රකාශ කරන ආකාරයට මේ ජයග්‍රහණය ජනාධිපතිතුමාගේද නැතිනම් ජනරාල් සරත් ෆොන්සේකා ප්‍රමුඛ හමුදාවේද යන්න සෙවීම නිශ්ඵල කටයුත්තක් බව මගේ වැටහීමයි. දේශපාලන නායකත්වය නොමැතිව හමුදාවෙනුත් හමුදාව නොමැතිව දේශපාලන නායකත්‍වයෙනුත් පමණක් මේ ප්‍රශ්ණය විසදීමට උත්සහ කළා නම් යුද්ධය තවමත් කිලිනොච්චියේ හෝ සමහර විට අනුරාධපුරයටම හෝ පැමිණ තිබීමට බොහෝ ඉඩ තිබුණි.

දැන් ජනරාල් සරත් ෆොන්සේකා මහතා ඉල්ලා අස්වී ඇත. ජනාධිපතිවරණයකට තරඟ කරනවාද නැත්ද යන්න එතුමා තවම ප්‍රකාශ කර නැත. එසේ කරනවානම් එයට විරුද්ධ වීමට හෝ සමහර සංඝයා වහන්සේලා පවසන (වදාලන) ආකාරයට සංඝ අඥාවක් ගෙන ඒමට හෝ අපට අයිතියක්ද නැත. එය එතුමාගේ ‍ප්‍රජාතන්ත්‍රවාදී අයිතියකි. කවුරු මොනවා කීවත් ජනාධිපතිතුමාද සාධාරණ සටනකට සූදානම් බව අඟවමින් ජනරාල් සරත් ෆොන්සේකා මහතාගේ ඉල්ලා‍ අස්වීම බාරගෙන ඇත. මේ අනුව මා විශ්වාස කරන ආකාරයට මෙවර ජනාධිපතිවරණය යුධ වීරයන් දෙදෙනෙකුගේ අභීත සටනක් බවට පත්වනු ඇත.

ජනරාල් සරත් ෆොන්සේකා මහතාට අවංකවම මේ සටන සඳහා ඉදිරිපත් වී හොඳ තරඟයක් දීමට අවශ්‍යතාවයක් ඇත්නම් පලමුවෙන්ම කළ යුත්තේ තමාට ගැලපෙන පිරිසක් සටන මෙහෙයවීම සඳහා පත්කර ගැනීමයි. මේ සඳහා දේශපාලන වශයෙන් අනාථ වී සිටින මංගල සමරවීර හෝ තම පක්ෂය පවා පාලනය කර ගැනීමට නොහැකි රනිල් වික්‍රමසිංහ වැනි පුද්ගලයෙකු හෝ සමාජවාදය යයි සිතා ධනවාදය දේශනා කරන ජනතා විමුක්ති පෙරමුණ හෝ නොගැලපෙන බව එතුමාට වැටහෙනු ඇතැයි අපගේ විශ්වාසයයි.

වත්මන් ජනාධිපතිතුමාගේ පාලනයේ වරදක් ලෙස දැකිය හැකි ප්‍රධානතම කාරනය නම් අධික නාස්තිය සහ දූෂණයයි. මෙය බොහෝ විටම සිදු වන්නේ කෙලින්ම එතුමාගෙන් නොව බොරුකාර ඇමති මඩුල්ල පෝෂණය කිරීමට ඇති අවශ්‍යතාවය මත බව පෙනේ. රටක මොන යුද්ධයක් නැවැත්වූවත් රාජ්‍ය ආයතන වල දුෂණයත් නාස්තියත් නොවැලැක්විය හැකිනම් දියුණු වීම සිහිනයක් පමණක් වේ. ජනරාල් සරත් ෆොන්සේකා මහතා ජනාධිපතිවරණයට ඉදිරිපත් වනවා නම් අප බලාපොරොත්තු වන ප්‍රධානතම කාරණය මේ නාස්තිය දුරු කරලීමයි; එමගින් මෙරට දියුණු කිරීමේ බොහෝ අවස්ථා ඇතිවේ. එසේ නොමැතිව විධායක ජනාධිපති ක්‍රමය අහෝසි කිරීම හෝ 13 සංශෝධන ගෙන ඒම හෝ වැනි ජනතාවට කෙලින්ම නොදැනෙන සහ මේ අවස්ථාවේ ප්‍රමුඛ අවශ්‍යතාවය නොවන කරුණු වලට මුල් තැන දෙමින් ඒ ඒ දේශපාලන පක්ෂ වල අභිමතය සපුරා ගැනීම නොවේ. විශේෂයෙන්ම විධායක ජනාධිපති ක්‍රමය අහෝසි කිරීම ජනරාල් සරත් ෆොන්සේකා ජනාධිපති වූවා යයි කියා කෙලින්ම කළ නොහැකි දෙයකි. ඔහු ජනාධිපති වුවද ඒ සදහා පාර්ලිමේන්තුවේ තුනෙන් දෙකක බලයක් අවශ්‍ය වේ. එය ලබා ගැනීමට නම් නැවතත් පාර්ලිමේන්තු ඡන්දයක් පවත්වා නව ජනාධිපතිවරයාට අවශ්‍ය ආකාරයට පාර්ලිමේන්තු බල තුලනය ලබා ගත යුතුය.

ජනාධිපති මහින්ද රාජපක්ෂ මහතා සහ ඔහුගේ ගෝල බාලයන් මේ සටන මෙහෙයවිය යුත්තේ මඩ ගැසීම්වලට ඉඩ නොතබමින් බව අවධාරණයෙන් සඳහන් කල යුතුය. එයට හේතුව රනිල් වික්‍රමසිංහ මහතා හෝ වෙනත් එවැනි අපේක්ෂකයෙක් ඉදිරිපත් වනවාට වඩා දේශපාලන කුණු වලින් තොර කෙලින් කතා කරන, රට බේරා ගැනීමට මූලික වූ පුද්ගලයෙකු ඒ සඳහා ඉදිරිපත් වීමයි. ජනරාල් සරත් ෆොන්සේකා මහතාට ජනාධිපති සටන ජයගෙන වංචාව, නාස්තිය හා දූෂණය නැවැත්විය හැකිනම්, පාර්ලිමේන්තුවට මුදල් වියදම් කරමින් ජනතාව වැඩියෙන්ම රැවටීමට හැකි පුද්ගලයින් පත්වීම වෙනුවට සැබෑ උගතුන් සහ බුද්ධිමතුන් පත් වීමේ ඉඩ සාදා දිය හැකිනම් සහ රාජ්‍ය ආයතනවල සේවකයන්ට ඉල්ලීම් ලබාගැනීමට ප්‍රථම රට වෙනුවෙන් සේවය කල යුතු ආකාරය ඉගැන්විය හැකිනම් යුධ වීරයෙකු වන මහින්ද රාජපක්ෂ වෙනුවට යුධ වීරයෙකු වන ජනරාල් සරත් ෆොන්සේකා ජනාධිපති තනතුරට පත් කර ගැනීම කිසිවෙකුටත් අපහසු නොවනු ඇත.

ලංකාවේ මාධ්‍ය නිදහස

2009-10-17T13:56:00.002+05:30

ලංකාවේ මාධ්‍ය නිදහස නැති බව කියමින් කෑ ගසන පුද්ගලයින්ට දිය හැකි එකම අවවාදයක් ඇත. එ නම් සති අන්තයේ සියලුම පුවත් පත් සහ වෙබ් අඩව් කිය‍‍වා බලන ලෙසයි.

ජාතික පුවත්පත් කිහිපයක ඇත්තේ රජයේ හොද සහ වැඩ ගැන කියවෙන දේ පමණකි. හැම පැත්තෙන්ම සංවර්ධනය වේ. උද්ධමනය අඩුවේ. ජීවන වියදම හොදටම අඩුය, ඒත් ලංකාවේද යන්න ප්‍රශ්නයකි.

සමහර ඒවා තනිකරම රජයට මඩ ගැසීම්ය. මහින්ද රාජපක්ෂ ට හොදටම අපලය, තව ටික කාලයකින් ආන්ඩුව කඩාගෙන වැටීම නියතයි හෝ රජයේ ඇමතිවරු රොත්තක්ම අනෙක් පැත්තට පනිනවාය, ජනාධිපති ට නයිල් ගග අසබඩ මාලිගාවක් ඇත, නාමල් රාජපක්ෂ ම අවතැන් කදවුරකදී ගල් සහ මඩ ප්‍රහාරයකි; නමුත් අවුරුද් කීපයක්ම රජය කිසිම ප්‍රශ්නයක් නැතිව සිටී.

මෙවැනි දේ ලිවීමට සහ කියවීමට අයිතිය ඇති රටක මාධ්‍ය නිදහස නැති වන්නේ කෙසේදැයි මට ප්‍රශ්ණයකි.

මාගේ ප්‍රථම ලිපිය.....

2009-10-17T13:09:00.000+05:30

මාත් හිතුවා සිංහලෙන් බ්ලොග් පෝස්ට් එකක් පටන් ගන්න.

පලවෙනි වැඩේ වුනේ ගැලපෙන ටෙම්ප්ලේට් එකක් තෝරන්න ගිහිල්ල. සිංහලට ගැලපෙන එකක් හොයා ගන්න හරිම අමාරු වුනා. තවම වුනත් මට තෝරගත්ත එක ගැන සෑහීමකට පත්වෙන්න අමාරුයි. හොද එකක් ලැබෙනකම් මේ හොදයි.